bagay poetry Paksiw na Ayungin
by Jose F. Lacaba

Ganito ang pagkain
ng paksiw na ayungin:
bunutin ang palikpik
(para sa pusa iyan
at ang matirang tinik),
at ilapat sa labi
ang ulo, at sipsipin
ang mga matang dilat:
pagkatapos ay mismong
ang ulo ang sipsipin
hanggang sa maubos ang
katas nito.
Saka mo
umpisahan ang laman.

Unti-unti lang, dahan-
dahan, at simutin nang
husto--kakaunti iyang
ulam natin, mahirap
humagilap ng ulam.
Damihan mo ang kanin,
paglawain sa sabaw.
At huwag kang maangal.
payat man ang ayungin,
pabigat din sa tiyan.


English translation by the author:

Fish Cooked in Vinegar

This is the way to eat
fish cooked in vinegar:
pull out the fins
(the cat can have those
along with the fishbones),
and bring the fishhead
to your lips, and suck out
its wide-open eyes;
then suck on
the fishhead itself
until you have drained it
of its juice.
Now you can
start on the fishmeat.

Eat slowly, little by
little, and pick the fish
clean--we don't have enough
food, it's difficult
to scrounge for food.
Make do with a lot of rice
swimming in the vinegar.
And stop complaining.
Though the fish is thin,
it's better than nothing.

[ psychicpants.net ]

===

Lahat ng Hindi Ko Kailangang Malaman, Natutunan Ko sa Pelikulang For Adults Only
by Jose F. Lacaba
Mula sa koleksyon, "Edad Medya: Mga Tula Sa Katanghaliang Gulang"

Marumi ang pulitiko, pero malinis ang budhi
ng puta.

Ipokrito ang pari, pero may ginintuang puso
ang puta.

Nagpapaaral ng kapatid na magpapari
ang puta.

Namumutiktik sa putang ina at anak ng puta ang malaswang bibig
ng puta.

Nalululong sa droga ang anak
ng puta.

Ayaw ng putang ina na ang anak niyang babae'y masadlak
sa pagpuputa.

Ang unang tikim sa luto ng Diyos ay ipinapatikim
ng puta.

Bukas ang simbahan kahit madaling-araw tuwing magdadasal
ang puta.

Nagbubulungan ang mga manang na nakakasalubong
ng puta.

Ginahasa ng tiyuhin ang puta kung kaya siya
nagputa.

Talak ng kahirapan kung kaya nagputa
ang puta.

Hindi nagpapahalik sa labi
ang puta.

Kapwa puta ang mga kabarkada
ng puta.

Magandang lalaki ang nag-aalay ng tapat na pag-ibig
sa puta.

Masungit na ina ng magandang lalaki ang nag-aalok ng pera para lumayo
ang puta.

Kung binabaril ang bidang lalaki, yumayakap at tinatamaan
ang puta.

Tanging kamatayan ang tutubos at magpapatawad sa kaputahan
ng puta.

Sigaw ng puta: Pare-pareho naman tayong
puta!

[ psychicpants.net ]  ¶ 6/17/2004 08:01:00 PM